【边伯贤】断章[亥·港湾] “你真系好幸运可以被佢宠爱终生。”(4)

我勒令佢穿好外套先出门，夜晚嘅寒风唔系可以让人著得薄摄摄撑硬净嘅。金桔兰花海棠，我锺意嘅佢通通指使阿仔搬走。
“你都唔话我败家嘥钱嘅？”
“咩话？”
除夕夜嘅风有D大，掩盖表达不够热烈的爱意。佢弯低腰，我两隻手拢成喇叭型放喺口前面大喊——
“我话，我好锺意你啊边伯贤！”
周围一圈人都回过头睇我，笑，我唔care。
“我都好锺意你啊，年年。全世界最锺意你，只系你，只有你。”
佢听清咗，相牵的手握得好紧。
“讲真，我都唔明点解当初你会锺意我，更唔知点解你会一直锺意我。”
嗰时佢係富家公子，而我只係一个打工卖牛轧糖嘅穷学生妹。
佢噉嘅未来注定要同某位小姐商业联姻嘅人抛低一切不管不顾擘开心肝嚟爱我，因我而被家中人断绝经济支持，就同我一步一步创业开新生。我依然唔明当初嘅佢点解甘愿守护嚟一个冇任何光鲜嘅孤儿，给我从没有过嘅安全感——我唔明，但我想同佢堂堂正正站埋一起，于是我在爱里成长为现在嘅模样。

“一见钟情你信唔信啊——我睇到你推车仔卖牛轧糖，对眼咁可怜就好似只无家可归嘅兔仔，嗰一眼我就想俾你个家。点解释……maybe我上世差咗你，嚟世搵到你就要追你，发誓要爱你十足十。宜家睇返去我简直捡到宝好唔好，一个咁鬼死得意又贤惠勤力仲有想法的女仔竟然系我老婆啊！”
“傻佬嚟嘅……”
我想锡佢啦。
我吻咗佢。
吻佢唔再光滑嘅皮肤，吻共同度过嘅岁月留畀我都留畀佢嘅皱纹，吻在佢几十年始终爱我嘅心上，似泊船回归港湾。
佢回吻我，以缱绻情意，以吻触碰我同样爱佢嘅心。
好似返到好多年前，佢在边府大门外对焦急等待嘅我献上一个莽撞承诺大于情欲嘅青涩嘅吻。
“跟住我走。信我，我会带你走。”
他真系带我离开咗。
我而家只想对当初嗰个对未来惶惶不安只识握紧佢嘅手嘅女仔讲——
“你真系将手递俾咗正确嘅人，你真系好幸运可以俾佢宠爱终生。”
跟住边伯贤，行出不幸和苦难，步向光和希望。