【边伯贤】断章[亥·港湾] “你真系好幸运可以被佢宠爱终生。”(2)

“切……口甜舌滑……”
佢会唔知丑一把年纪讲甜蜜蜜嘅情话，我也会好似十几岁靓妹咁成块面红到爆炸——但是这么多年，亦都只係佢哩度我先可以活成靓妹仔。
拉天窗后一日本应回门，再由新郎托住娘家准备好嘅两碌整蔗回家——但我身为孤儿，在飘零的世上只有佢一个港湾。佢就自己托来长长嘅两碌蔗种在我哋门后：要甜甜蜜蜜，要有头有尾，要节节高。
旁人讲，爱情的最后归于无声的温馨与默契。
但遇上在激情褪去之时依然愿意宠我似孩童的佢难道唔系更好彩吗？
更历风雨更知苦短，所以默契、温馨以及毫不隐藏的爱语，佢都不愿我失去。
“我曾经有好多讲唔出嚟嘅话，但而家我怕岁月无情，只想每分每秒将佢哋通通讲畀你知。”
D蔗早已成林越老越甜，佢将喺我哋都后生嗰时忙着吃苦谋生、而用行动代替嘅情话通通留到后半生，待最后享清福的年纪依然将我视作最初的甜蜜爱恋。
佢觉得差咗我一个青春，但我从不认为佢俾我嘅甜蜜比任何人少半分。
“所以你叫我做乜呀？”

“叫你同我出去买嘢啊。”
佢笑得眼眯眯，“想同哥哥拖手仔就直接讲啦，我同你一齐去行街街。”
好骨赤。我唔知是否佢今日刻意想要我一直面红落去。
“痴线，要办年货，搵你做苦力啊。”
今日嘅旺角唔冻。
出街嗰阵先下昼四五点，太阳仲未落山，照到身上暖屈屈。佢只穿住件T恤加衬衫，风掀起领角，挡住嘴角的皱纹，真系好似几十年前那个意气风发的后生仔。
茶餐厅嘅老伙计见到我同佢手拖手，“大老世同老板娘感情真係好啊，几廿年都风雨同舟，好sweet喔！”
“一早就唔係大老世啦，都唔知退休几耐喇！你返工记得搵而家老细攞两封利是，就当係我哋俾你仔仔嘅。”
佢更得戚，大大方方甚至夸张地行得大摇大摆，好似惊冇人睇到我们两个手拉手，无名指上低调的钻石银戒在日光下折射出永恒的光辉。
哩啲年新楼房耸起不少，光鲜亮丽的supermarket也兴起好多。老旧的市场还匿在旧楼发灰的漆墙里面。但我依然好锺意老市场的百式百样人间冷暖，唔似超市入边冷冰冰的货架。同一段路年年都有不同的光景，叫卖的小摊各不相同，哪怕每一寸都留下过自己的足迹也唔觉厌烦。