【边伯贤】断章[亥·港湾] “你真系好幸运可以被佢宠爱终生。”(3)

我同佢，行旧路见旧人。
去纸紮铺买拜神要用嘅烧衣，老人家话一间纸紮铺要从头买到尾，长诚长情。从我同佢组建一个家开始，几十年都够我同不再年轻的铺主靓姐算作熟人。
“又同贤仔来买嘢啊？你哋俩个真系一年都未缺席过。”
去婆婆嘅摊仔帮衬，买斋和糖水料。阿仔新蒲孙加埋我哋，抓够五人分。婆婆已经成头白发，震下震下抓够份量，“得俾你哋捡一年系一年啦，婆婆都想火烧旗杆咯。”
买只烧鸡、斩几件叉烧再拿两只大鸡髀，去海鲜档称D虾虾蟹蟹今晚搞个海鲜煲。有隻生勾勾嘅罗氏虾弹咗边伯贤一脸水，我被佢一脸无语氹笑，捡起嗰隻在地上疯狂挣扎嘅虾擗入塑料袋，“食咗佢就唔嬲啦。”
菜摊的最后一档惯例会在年前几日进拜神嘅菜，为方便就将生菜萝卜葱蒜种喺一盆卖。我拣咗几盆，指挥佢提在手里拎返屋企。
行到返去嗰阵，天已经黑嗮。
屋企嘅灯亮着，门口的卡通虎福得人钟意。阳台嘅鹩哥见到我哋就识得示好，“妈咪～爹地！恭喜发财！”
嚟只鹩哥俾佢调教得很好，唔单只醒目仲学咩似咩。“妈咪”两隻字是边伯贤教它嘅第一个词，含笑而温柔嘅语气似咗个十成十。

“叻仔，爹地今晚奖你食多两条麵包虫。”
佢放低嗰盆菜推开门，倩妹扑过嚟握佢嘅手指，“爷爷嫲嫲新春快乐！几时食得饭呀？”
我同佢失笑，阿仔从后边将门大大拉开，“妈咪，我买咗桃花啦，今晚行花街唔使再托来托去咁麻烦。”
好大一枝桃花插係厅中间，寓意大展宏图。倩妹只知将粉色嘅花瓣摇到地上，靓到梦幻。
佢厨艺系真系麻麻，不过为我帮厨嘅功夫练得纯熟，都算能称做是模范厨帮。
我哋一家人超级钟意食海鲜。
唔知点解拜神总要有鸡，横掂烧鸡只系拜神，明明叉烧蟹煲鸡先正系绝配。
食不起海鲜嘅苦日子留在很久以前，风雨同舟携手共度嘅黄金岁月历历在目。从路边摊到茶餐厅再到连锁，我哋食过糟糠也在此刻共饮盛宴。
边伯贤唔锺意係食饭时讲嘢，专心致志帮我剥虾。平时我乐得其成，但今天佢剥三只我就要将两条虾肉蘸埋汁还返俾佢，“食多D，提高机率食中嗰隻弹咗你成面水嘅虾啊。”
“知啦，你最锡我。”
食过年夜饭就去逛花街。