旧年深秋同Yvonne嘅通话记录

——嗰日嘅日记，系我啱啱同Yvonne通电话嘅记录。
黯夜长风：Yvonne，系我，妳而家喺边度？
Yvonne：前排喺东京，寻日啱啱返嚟仙台。
黯夜长风：唔怪得妳空间有新照片，我睇咗啦，影得好好，东京都几靓嘅。
Yvonne：呢两个月我肥咗少少。
黯夜长风：肥咗啲都几好睇。妳近排好吗？
Yvonne：麻麻地。你呢？同Sylvia都好吗？
黯夜长风：Sylvia？
Yvonne: Sylvia Kowk，佢唔系你钟意嘅女仔咩？
黯夜长风：嗰个郭小姐只系我公司入边嘅同事，妳唔好误会！
Yvonne：我知道你哋之间系乜嘢关系，你唔好呃我。
黯夜长风：佢，佢已经离开咗香港返多伦多嘞。Yvonne，返香港啦，我等咗妳返嚟好耐嘅嘞。
Yvonne：佢走咗你先至谂起我？唔通我系替代品？
黯夜长风：唔系唔系，我日夜都好挂住妳，盼望妳早啲返嚟我身边，过去已经过去，我哋重新开始吖…
Yvonne：重新开始？信多你一次伤过多一次。你话你多情，我话你系滥情，你即系花花大少，不嬲都系咁样，我对你死心嘞。