光绪廿四年深秋嘅宫闱私话

李莲英：老佛爷！
慈禧：莲英系你啊？
李莲英：系奴才啊，老佛爷。
慈禧：哎，出边风大雨大，今夜我瞓唔着啊。
李莲英：依家只得我两个喺度啫，老佛爷想讲啲乜嘢啊？
慈禧：我好挂住载湉，唔知佢依家点。
李莲英：佢都已经大个仔啦，佢自己会照顾自己嘅啦，老佛爷唔使担心噶。
慈禧：我叫佢住喺瀛台，其实唔系出于本意嘅，我心里边好唔安乐。
李莲英：不如咁啦，我叫崔玉贵叫皇上即刻翻嚟见你啦？
慈禧：唔好，我系皇太后，开得声叫佢躝去瀛台，又点可以出尔反尔？
李莲英：老佛爷，你贵体安泰至紧要，唔好谂咁多啦。
慈禧：哎… 冇咗载湉喺呢度，我又好担心啲鬼佬公使会点。
李莲英：有荣中堂嗰啲忠勇老臣喺度，老佛爷使乜担心啫？