顺治二年田见秀と佟养和の商谈

佟养和：我哋都系戎马武将，正所谓开门见山，我话俾你知，依家我军兵力不足，难以应对湖南嘅何腾蛟部残明军，你哋义军若嚟投诚，我梗系百般欢迎。
田见秀：佟将军，我哋大顺军兄弟早先南下投喺何腾蛟麾下，当时系真心用命嘅，亦都想同佢哋落力守卫大明东南半壁江山，但系估唔到何老贼同我哋离心离德、视同异己，迟早都会翻面相杀。如今天下大乱，我系不得不为手下呢班兄弟打算啫。
佟养和：田头领所言极是，何老贼系残明官场老手，同我哋行伍之人唔喺一路。你哋嘅闯王李自成已经喺九宫山失踪咗，投效残明又唔啱，为今之计，我大清先至系你哋兄弟嘅安身之所。
田见秀：我都系咁谂嘅， 所以今日嚟见佟将军！
佟养和：无谓讲咁多啦，呐，呢份草案系我寻晚为贵军将士初拟嘅安置方案，你哋投诚之后嘅官职、军饷、防区冚唪唥都写喺呢度，田头领你攞去睇下。
田见秀：嗯，唔错唔错，我觉得基本满意。
佟养和：咁就得嘅嘞。哦，仲有件事要讲俾你哋知：摄政王多尔衮颁咗旨，所有大清军民不得违抗。
田见秀：乜嘢旨意？佟将军请讲。
佟养和：投诚以后，你哋军中上下都要仿照满洲人，即刻剃发。
田见秀：咩话？剃发？点可以… 万万不可… 佟将军，容我谂下先。
佟养和：咁你哋投诚之事…
田见秀：呢件事改日再议，改日再议…